ဝိပလ္လာသ

ပုထုဇဉ်တို့၏  အသိမှန်သမျှသည်  အားလုံးအမှားသိ၊ (သို့မဟုတ်)
မပြည့်စုံသော  အသိများသာ ဖြစ်ကြ၏။

၎င်းအသိမျိုးကို  ပါဠိဝေါဟာရအားဖြင့်  ၀ိပလ္လာသ  ဟုဆို၏
ဝိပလ္လာသ  အနက်မှာ  ပြောင်းပြန်  ဖြစ်၏။

ထို့ကြောင့်  ပုထုဇဉ်တို့သည်  လောကကို  ပြောင်းပြန်မြင်ကြ၏။

အနိစ္စကို  နိစ္စဟုမြင်၏။  ဒုက္ခကို  သုခ ဟုမြင်၏။
အနတ္တကို  အတ္တဟုမြင်၏။  အသုဘကို  သုဘ ဟုမြင်၏။

အကျဉ်းအားဖြင့်  ဆိုရလျှင်  အမှားကို  အမှန်ဟု  မြင်ခြင်းပင်  ဖြစ်၏။
ထိုသို့  ပြောင်းပြန်  မြင်နေကြသော်လည်း  မိမိတို့  အမြင်ကို  အမှန်ဟု  ထင်ကြ၏။

အရှင်မဟာဗုဒ္ဓယောသ

ယောအတွင်းဝန်ဖိုးလှိုင်၏ တဘောင်

အောင်အတိတ် တဘောင်

သာသနာတစ်ဝက်ခရီးမှာဖြင့်

ဗမာတွေ  ကနက်ထီးတွေနဲ့

ပျက်စီးဘို့  အရေးကြုံ

ရွှေပေးလို့  မောင်မယုံ

ငွေပေးလို့  မောင်မယုံ

နယ်ကုန်အောင်  ဖြစ်မဲ့အရေး

သည်ဥာဏ်နဲ့တွေး

အတိတ်ကယ်ဆောင်

အောင်နိမိတ်ဘောင်လှုပ်ရှား

တံတားတွေ  တွင်တွင်ဆောက်ပါလို့

ဘုရားတွေ  ရင်ပြင်လဲမှဖြင့်

တခြားပြည် ၀င်ကာနောက်လိမ့်မယ်၊

တခြားပြည် ၀င်ကာမနှောက်ရအောင်

ပြည်တော်ပြန် .စု.မယ်.ထွေး.

နန်းတက်မှ အေး...။

ဒါနလုပ်တဲ့ မူငါးချက်

၁။ သဒ္ဓါတရား တက်သန်စွာနဲ့ ယုံယုံကြည်ကြည်လှူတယ်။

၂။ ပစ္စည်းကိုလည်း သန့်သန့် ရှင်းရှင်းထား၊ အလှူခံကိုလည်း လေးစားပြီး ရိုရိုသေသေလှူတယ်။

၃။ လိုအပ်တဲ့အခါ လိုအပ်တာကို လှူတယ်။

၎။ အလှူခံရဲ့ လှူဖွယ်ဝတ္ထုအပေါ် မငြိမကပ် မတွယ်တာပဲ လွတ်လွတ်ကျွတ်ကျွတ် ပြတ်ပြတ်သားသား လှူတယ်။

၅။ မိမိနဲ့ တစ်ပါးကို မထိမပါး မပုတ်မခတ်ပဲ လှူတယ်။ အပြိုင်အဆိုင်စိတ်မျိုးနဲ့ မလှူပဲ ပစ္စည်းရဲ့ အနှစ်ကို ထုတ်ယူတဲ့အနေနဲ့ လှူတယ်။

အမရပူရ - ဦးထော်

ကုသိုလ်ရအောင် နေနည်း

ကုသိုလ်တစ်ခုခုဖြစ်ဖို့ရာ အချက်၎ချက်နဲ့ ပြည့်စုံရသည်။

(၁)။ မိမိစိတ်ကို အမြဲတမ်း ကုသိုလ်စိတ်ဖြစ်စေရမည်ဟု သန္နိဋ္ဌာန် ချထားရသည်။

(၂)။ စိတ်ကို ကောင်းတဲ့ဘက်ကို အမြဲတမ်း ဦးညွတ်စေရသည်။

(၃)။ ကုသိုလ်စိတ်ကို အမြဲတမ်းလေ့ကျင့်ပေးရသည်။

(၄)။ အဲဒီ အချက်တွေနဲ့ ယောနိသောမနသိကာရ ထားနိုင်ရသည်။

အဲဒီအချက်တွေနဲ့ ပြည့်စုံရင် စိတ်ဟာ "အမြဲတမ်း ကုသိုလ်စိတ်" ဖြစ်နေမည်။ ကုသိုလ်တွေ များလာခြင်းအားဖြင့် ကောင်းကျိုးချမ်းသာတွေ ရလာမည်။ ဒီဘ၀မှာလည်း ကောင်းကျိုးချမ်းသာရရှိမည်။  နောင်ဘ၀မှာလည်း ကောင်းတဲ့ အကျိုးကို ခံစားရမည်။  နှစ်ဖက်စလုံး ကောင်းမွန်တဲ့တရားဖြစ်လို့ ဒီလိုကုသိုလ်မျိုး များများရအောင် ကျင့်ယူရမည်။

(ပါမောက္ခချုပ် ဆရာတော် ဒေါက်တာ အရှင်နန္ဒမာလာဘိဝံသ)

ပဋ္ဌာန်း ၂၄ - ပစ္စည်း (ပစ္စယုဒ္ဒေသ) အဓိပ္ပါယ်အကျဉ်း

၁။   ဟေတုပစ္စယော
      ဟိတ်ခြောက်ပါးဖြစ်၍ ပစ္စယုပ္ပန်တရားတို့အား အမြစ်သဖွယ်
      by Way of Root

၂။   အာရမ္မဏပစ္စယော
      အာရုံခြောက်ပါးဖြစ်၍
      of Object

၃။   အဓိပတ္တိပစ္စယော
      အကြီးအမှူးဖြစ်၍
      of Dominance

၎။   အနန္တရပစ္စယော
      အခြားမဲ့ (တဆက်တည်း အကြားမရှိ) ဖြစ်၍
      of Contiguity

၅။   သမနန္တရပစ္စယော
      ကောင်းစွာ အခြားမဲ့ (တဆက်တည်း အကြားမရှိ) ဖြစ်၍
      of Immediate Contiguity

၆။   သဟဇာတပစ္စယော
      အတူတကွ ဖြစ်၍
      of Co-Existence

၇။   အညမညပစ္စယော
      အချင်းချင်း အပြန်အလှန်
      of Reciprocity

၈။   နိဿယပစ္စယော
      မှီရာဖြစ်၍
      of Dependence

၉။   ဥပနိဿယပစ္စယော
      အားကြီးသောအကြောင်းဖြစ်၍
      of Sufficing Condition

၁၀။   ပုရေဇာတပစ္စယော
        ရှေး၌ဖြစ်နှင့်၍
        of Pre-Existence

၁၁။   ပစ္ဆာဇာတပစ္စယော

        နောက်၌ဖြစ်၍

        of Post-Existence

၁၂။   အာသေ၀နပစ္စယော

        အဖန်တလဲလဲ မှီဝဲထုံအပ်သည်ဖြစ်၍

        of Habitual Recurrence

၁၃။   ကမ္မပစ္စယော

        အကြောင်းကံဖြစ်၍

        of Kamma

၁၄။   ၀ိပါကပစ္စယော

        အကျိုးဖြစ်၍

        of Effect

၁၅။   အာဟာရပစ္စယော

        ထောက်ပံ့ခိုင်ခံ့စေတတ်သည်ဖြစ်၍

        of Food

၁၆။   ဣန္ဒြိယပစ္စယော

        အစိုးရသည်ဖြစ်၍

        of Control

၁၇။   ဈာနပစ္စယော

        ကမ္မဋ္ဌာန်းအာရုံသို့ကပ်၍စူးစူးစိုက်ရှူတတ်သည်၏အဖြစ်ဖြင့်

        of Jhana

၁၈။   မဂ္ဂပစ္စယော

        သံသရာမှ ထွက်မြောက်ကြောင်းနည်းလမ်းဖြစ်၍

        of Path

၁၉။   သမ္ပယုတ္တပစ္စယော

        ယှဉ်သည်ဖြစ်၍

        of Association

၂၀။   ၀ိပယုတ္တပစ္စယော

        မယှဉ်သည်ဖြစ်၍

        of Dissociation

၂၁။   နတ္ထိပစ္စယော

        မရှိသည်ဖြစ်၍

        of Absence

၂၂။   ၀ိဂတပစ္စယော

        ကင်းမဲ့ချုပ်ပျောက်သည်ဖြစ်၍

        of Abeyance

၂၃။   အ၀ိဂတပစ္စယော

        မကင်းသည်ဖြစ်၍

        of Continuance

ပဋ္ဌာန်း ပစ္စယနိဒ္ဒေသမိတ်ဆက်

ဘာသာအယူဝါဒ စစ်တမ်း

ဘာသာဝါဒ၊ မတူကြ၍၊ လောကအတွင်း ငြင်းခုံခြင်းဖြင့်၊ 

ဆင်းရဲဒုက္ခ၊ ရောက်ကြကုန်၏။

ဝါဒအယူ၊မှားခဲ့မူကား၊ဆူဆူဗုဒ္ဓ၊ ကယ်မရသည့်၊

လေးဝပါယ်ဘုံ၊ဘေးတွေ့ကြုံလိမ့်။

စေ့စုံဥာဏ်ဖြင့် မြှော်ထောက်ချင့်ကာ....

(၁) တစ်ဆင့်ကြားသိ

(၂) မိရိုးဖလာ

(၃) ကောလာဟလ၊

(၄) ကျမ်းစာမျှနှင့်၊

(၅) ကြံဆနည်းမှီ၊

(၆) ဆီလျှော်သုံးသပ်

(၇) ယူချင်းထပ်၍

(၈) ယုံအပ်သူပဲ

(၉) ဆရာစွဲဖြင့်၊ လွဲပုံစိတ်ချ၊ 

မယူကြလင့် ဒိဋ္ဌကျင့်ကြံ၊ ကိုယ်ပိုင်ဥာဏ်ဖြင့်၊

မှားမှန်ကောင်းဆိုး၊သိအောင်ကြိုးဟု၊

မျိုးကာလာမ၊ဟောညွှန်ပြ၊ ၀ါဒအယူစစ်တမ်းပေ။

(မဟာဂန္ဓာရုံ ဆရာတော်ကြီး)

“ရူးသွပ်မှု” ကိုဖြစ်စေတဲ့ “အကုသိုလ်ကံ”

“ရူးသွပ်မှု” ကိုဖြစ်စေတဲ့ “အကုသိုလ်ကံ” ဆိုတာ ကတော့ အမျိုးမျိုးဖြစ်နိုင်ပါသည်။

သူတစ်ပါးကို ရူးသွပ်လောက်အောင် နှိပ်စက်ညှဉ်းပန်းမယ်၊ စိတ်ဆင်းရဲ၊
ကိုယ်ဆင်းရဲဖြစ်အောင်လုပ်မယ်ဆိုရင် အဲဒီကံ အကျိုးပေးတဲ့ဘ၀ ကိုယ်လည်းရူးသွပ်ရမှာပဲ။

တကယ်မချစ်ဘဲနဲ့ ချစ်ဟန်ဆောင်ပြီး တစ်ဖက်သားကို အရူးလုပ်မိလို့ တစ်ဖက်သားမှာကိုယ့်ကို
စွဲလမ်းပြီး၊အရူးတစ်ပိုင်းဖြစ်သွားမယ်ဆိုလည်း အဲဒီကံကြောင့် တစ်ချိန်မှာ ကိုယ်လည်း ရူးသွပ်ရမှာပါ။

ကိုယ့်ကို စွဲစွဲလမ်းလမ်း တမ်းတမ်းတတ ဖြစ်သွားအောင်ဆိုတဲ့ ရည်ရွယ်ချက် နဲ့
ကိုယ့်ကို ရူးမတတ် ချစ်သွားအောင် ဆိုတဲ့စိတ်ထားနဲ့ ဉာဏ်နီ ဉာဏ်နက်သုံးတာမျိုး၊
မူယာ မာယာများတာမျိုး၊ မြူဆွယ်ဖြားယောင်းတာမျိုး၊ လိမ်ညာလှည့်ပတ်တာမျိုးကို ရှောင်ကြဉ်ကြရပါမည်။

သူ့စိတ်နဲ့သူ စွဲလမ်းတမ်းတတာကတော့ ကိုယ်နဲ့ မဆိုင်ပါဘူး။

တမင် ရည်ရွယ်ချက်ရှိရှိနဲ့ စွဲလမ်းအောင် လုပ်တာဆိုရင်တော့ စိတ်ထားကိုက ရူးစေချင်တဲ့စိတ်ထားမို့
အဲဒီ အကျိုးသက်ရောက်မှုက ကိုယ့်ဆီလည်း သေချာပေါက် ပြန်ရောက်လာပါလိမ့်မည်။

ရူးသွပ်မှုကို ဖြစ်စေတဲ့ အကုသိုလ်ကံတွေထဲမှာ အဓိက အကျဆုံး၊ အကြီးမားဆုံး
အကုသိုလ်ကံကတော့ “ သေရည်သေရက်သောက်စားခြင်း” ပါပဲ။

မူးမူးရူးရူးဆိုတဲ့အတိုင်း မူးရင်ရူးတတ်သလို၊
မူးနေတာကိုက ရူးခြင်းတစ်မျိုးပါပဲ။

မူးရူးသောက်စား(သို့မဟုတ်) သောက်စားမူးရူး
ဆိုတဲ့အတိုင်း သောက်စားနေတာဟာ မူးရူးနေတာပါပဲ။

မူးပြီဟေ့ဆိုရင် အရူးတစ်ယောက်လိုပဲ
ဟိုပြောဒီပြောနဲ့ နှုတ်စောင့်စည်းမှု မရှိတော့ပါဘူး။

ပြောသင့်မှန်းမသိ၊ မပြောသင့်မှန်းမသိနဲ့
စွတ်ပြီး ပြောတော့တာပါပဲ။

ရူးနေတဲ့လူ ဘာမှမသိသလို၊
မူးနေတဲ့သူလည်း ဘာမှ မသိတော့ပါဘူး။

ဒါကိုပဲ သွေးတွေကြွလာပြီး၊အာသွက်လျှာသွက်နဲ့
စကားပြောလို့ ပိုကောင်းလာတယ်လို့
အရက်သောက်သုံးသူတွေက သဘောကျကြသည်။

“ဆက်ရက်မင်းစည်းစိမ်” အဖြစ် သာယာ ယစ်မူးကြပါသည်။

ရေချိန်မကျော်သေးလို့ ကိုယ်ပြောတာ
ကိုယ်သိတယ်ပဲ ထားဦးတော့ မူးနေတဲ့အချိန်ဟာ
ရူးနေတဲ့အချိန်နဲ့ အတူတူပါပဲ။

ရူးနေတဲ့သူဟာ အမှတ်သညာ ကင်းမဲ့နေသလို၊
မူးနေတဲ့သူဟာလည်း အမှတ်သညာ ကင်းမဲ့နေတတ်သည်။

အရက်၊ဘီယာစတဲ့ မူးယစ်စေတတ်တဲ့အရာတွေ
သောက်သုံးနေတာဟာ မှတ်ဉာဏ်အားနည်းကြောင်း
အကုသိုလ်၊ ဉာဏ်ထိုင်းကြောင်းအကုသိုလ်၊
စိတ်မမှန်ကြောင်း အကုသိုလ်၊
ရူးသွပ်ကြောင်း အကုသိုလ် ဆည်းပူးစုဆောင်းနေတာပါပဲ။

သူတစ်ပါးကို ဒုက္ခပေးပေး မပေးပေး၊
ကိုယ့်ဘ၀ပျက်ပျက် မပျက်ပျက်၊
အတိုင်းအတာ ရေချိန်ကျော်ကျော်၊မကျော်ကျော်၊
အရက်ဘီယာ သောက်တိုင်း
ဉာဏ်ထိုင်းစေတဲ့ဓာတ်တွေ၊
မေ့လျော့စေတဲ့ဓာတ်တွေ ဖောက်ပြန်စေတဲ့ ဓာတ်တွေ၊
ရူးသွပ်စေတဲ့ ဓာတ်တွေ ကိုယ်ရဲ့စိတ်အစဉ်မှာ စွဲကပ်၊
စွဲကပ်သွားပါသည်။စုမိသွားပါသည်။

အရက်သေစာ သောက်သုံးခြင်းရဲ့ အပေါ့ပါးဆုံး
ဆိုးကျိုးက “ရူးသွပ်ခြင်း နဲ့ စိတ်ဖောက်ပြန်ခြင်း”လို့
မြတ်စွာဘုရားက ဟောကြားထားတာမို့၊
မရူးသွပ်လိုသူတိုင်း၊ စိတ်ပုံမှန်ဖြစ်လိုသူတိုင်း
အရက်၊ဘီယာစတဲ့ မူးယစ်သေရည်မှန်သမျှကို
ဘိန်းဖြူ၊ စိတ်ကြွဆေးပြားစတဲ့ မူးယစ်ဆေးဝါး
မှန်သမျှကို လုံးဝ ရှောင်ကြဉ်ရပါမယ်။

(ရွှေပါရမီဆရာတော်)

ပဋ္ဌာန်း ပစ္စယနိဒ္ဒေသမိတ်ဆက်

ကျွန်တော်သည် ပဋ္ဌာန်းအကျယ် အဓိပ္ပါယ်ကို အရင်က လေ့လာဖူးသော်လည်း၊ အခြေခံ မရှိခြင်းကြောင့် ရှင်းရှင်းလင်းလင်း မသိခဲ့ပါ။

ခင်မင်ရသော အမ တစ်ယောက်၏ ပဋ္ဌာန်း ပစ္စယနိဒ္ဒေသမိတ်ဆက် ကို သူမ၏ ဘလော့ပေါ်မှ ပူဇော်ခွင့်ရသောအခါမှ ပဋ္ဌာန်းအကျယ် အဓိပ္ပါယ်ကို ရှင်းလင်းစွာ သိခွင့်ရပါသည်။

တရားကို ပူဇော်သောအားဖြင့်လည်းကောင်း၊ သူမကို ကျေးဇူးတင်သောအားဖြင့်လည်းကောင်း၊ ကျွန်တော် နားလည်သည်ထက် စာဖတ်သူများ ပိုမို နားလည်စေသောအားဖြင့်လည်းကောင်း သူမ၏ ဘလော့နှင့် ပစ္စယနိဒ္ဒေသမိတ်ဆက်ကို ပြန်လည် မျှဝေခြင်း ဖြစ်ပါသည်။

http://sonata-cantata.blogspot.sg/

ပဋ္ဌာန်း ပစ္စယနိဒ္ဒေသမိတ်ဆက် (ebook)

အယူဝါဒ ခြောက်ခု

အမှန်ဆိုတဲ့ သစ္စာတရားကို သိရင် တော်ရောပေါ့၊ ဘာလို့ ကျန်တဲ့ အမှားတွေကို လေ့လာရဦးမှာလဲ ဆိုပြီး
ဆရာ့ကို ကျွန်တော် စောဒက တက်ခဲ့ဖူးသည်။ 

မွေးရာပါ မျက်စိကန်းနေသူက၊ မျက်စိမြင်ရတဲ့အချိန်မှာ မျက်စိအလင်းရဲ့  တန်ဖိုးကို နားလည်သလိုမျိုး
ဥပမာပေး၍ ဆရာက ရိုးရိုးလေး ရှင်းပြခဲ့ပါသည်။ 

မတူတဲ့ အရာတွေကို ယှဉ်ကြည့်တော့မှ အဲသည့်အရာတွေရဲ့  တန်ဖိုးကို ပိုမြင်၊ ပိုတန်ဖိုးထားတတ်ကြတာ
လူ့သဘာဝလို ဖြစ်တတ်ပါသည်။

တကယ်လို့သာ ဗုဒ္ဓမြတ်စွာဘုရား မပွင့်ပေါ်ခဲ့ဘူးဆိုရင် ကျွန်တော်သည် ထိုအယူဝါဒထဲက
တစ်ခုခုကို လက်ခံမှာ သေချာသလောက် ဖြစ်ပါသည်။