"ဆုံနေရက်နဲ့ လွမ်းလေခြင်း" ကျွန်တော်၏ မှတ်ချက်

ကျွန်တော့်ဘ၀တစ်လျှောက်တွင် ဖတ်ခဲ့ဖူးသမျှသော ၀တ္ထု၊ စာပေများကို ရေတွက်မည်ဆိုရင် လက်ချိုးရေတွက်ရလောက်အောင် နည်းပါးခဲ့သည်။ ဖတ်ခဲ့သမျှသော စာပေများသည် အများအားဖြင့် သုတစာပေများနှင့် ပုံပြကာတွန်းများ ဖြစ်နေတတ်ပါသည်။

ဝတ္ထု စာပေများကို ချစ်၊ ကြိုက်၊ ကွဲ၊ လွဲ ဆိုသည့် ဇာတ်ပေါင်းထုပ်ကြီးမှ မလွတ်သော အချိန်ကုန်သက်သက် စာပေများဟု တဖက်သတ် ထင်မြင်မှုမျိုး ကျဉ်းမြောင်းသည့် အမြင် ရှိခဲ့သည်ဟု ၀န်ခံရပေမည်။ ထို့ကြောင့်လည်း ရသစာပေများကို တမင် မဖတ်ဖြစ်ခဲ့ခြင်း ဖြစ်ပါသည်။

သုတစာပေများတွင် မတွေ့နိုင်သော လူ့ဘ၀၊ လူ့ပတ်ဝန်းကျင်၊ လူနေမှုစရိုက်၊ လူ့ယဉ်ကျေးမှု၊ လူ့ကျင့်ဝတ် စသည်များ ထင်ဟပ်သော ရသစာပေများလည်း ရှိနိုင်ပါသည်။ ထို ရသစာပေများမှ တဆင့် လူတွေနှင့် ဆက်စပ်သည့် ဗဟုသုတများလည်း ရရှိနိုင်သည် မဟုတ်ပါလော။ ကျွန်တော် လူမှုရေးကိစ္စများ မကျွမ်းကျင်ဘူး ဆိုတာလည်း ထိုစာပေမျိုး မဖတ်ဖြစ်ခဲ့လို့ ဖြစ်မှာပဲလို့ ကိုယ့်အထင်နဲ့ကိုယ် ဆက်စပ်တွေးမိပါသည်။

အရာရာတိုင်းတွင် ဟန်ချက်ဆိုတာ ရှိသည်။ ဟန်ချက်မှ လွန်သွားရင်၊ လွတ်ထွက်သွားရင် တစ်ဘက်စောင်းနင်းဖြစ်ပြီး ယုတ်လျှော့မှုဆိုတာ ရှိတတ်သည်။ ဟန်ချက်ဆိုတဲ့အရာကို စကားလုံး၊ ပုံစံ အမျိုးမျိုး အနေဖြင့် တွေ့ရတတ်ပါသည်။

ဥပမာ ကားတစ်စီးကို ဟန်ချက်ညီညီ ဘယ်လိုမာင်းမလဲ ဆိုတာကို ဂူဂယ် မှာ ကျွန်တော်ရှာနေကြပုံစံဆိုရင်
       -> how to drive a car nicely        ( how to .. nicely )
       -> best practice to drive a car      ( best practice to .. )
       -> nice way to drive a car           ( nice way to .. )
.. စသော စကားလုံးများဖြင့် တွေ့ရနိုင်ပါသည်။ ထို့ကြောင့် ဟန်ချက်ဆိုတဲ့ အရာကို နေရာတိုင်းတွင် ပုံစံတစ်မျိုးမျိုးဖြင့် ရှာတွေ့နိုင်ပါသည်။

အရင်တစ်ခေါက်က စာရေးဆရာမ ဂျူး ရေးသားသော ၀တ္ထုကို သူငယ်ချင်းတယောက်ဆီက ရ၍ ဖတ်ကြည့်ရာ ၄၊ ၅ ရွက်လောက်သာ ဖတ်ကြည့်ပြီး၊ ပြီးဆုံးသည်အထိ ဆက်မဖတ်ဖြစ်ခဲ့ပါ။ သူ့ဝတ္ထုများသည် ပျင်းရိဖွယ်ကောင်းသည်ဟု ထိုအချိန်ခါက ကျွန်တော် ထင်မိပါသည်။ သို့သော် ဆရာမ ဂျူး ဘာသာပြန်ထားသော အောက်ခြေသန်းတစ်ထောင် ဆိုတဲ့ စာအုပ်ကို ကျွန်တော်ဖတ်ဖြစ်ခဲ့ပြီး၊ ကျွန်တော် နှစ်ကြိုက်ခဲ့သည်။

ယခုလက်ရှိ ဆရာမ ဂျူး နောက်ဆုံးရေးသားထားသော ဆုံနေရက်နဲ့ လွမ်းလေခြင်း ဆိုတဲ့ ၀တ္ထုကို ကျွန်တော် ဖတ်ကြည့်ခဲ့ရာ စဖတ်ဖတ်ခြင်း၌ပင် ဆွဲဆောင်မှု ရှိပါသည်။ ဇာတိမြေ ဒေသခံ ရေနံချောင်းက အဖြစ်အပျက်နှင့် ပြင်သစ်ရောက် အဖြစ်အပျက် ယှဉ်တွဲရေးသားထားရာ၌ ထိမိ ဟပ်စပ်ပါသည်။

တစ်ဦးက အချစ်၊ တစ်ဦးက မေတ္တာ၊ ယောက်ျားလေးတစ်ဦးနှင့် မိန်းကလေးတစ်ဦးတို့ မေတ္တာ
နှောင်ဖွဲ့ ထားသော ဇာတ်အိမ်လေးနှင့် အခြေပြုထားပြီး ၀တ္ထုတွင် ပါဝင်သော ကဗျာလေးတွေမှာလည်း အဓိပ္ပါယ်လည်း ရှိ၊ ကာရန်လည်း မိသည်။ (မေတ္တာနှင့် အချစ် မတူဘူးဆိုတာကို ဤ article တွင် ကျွန်တော် ပြောခဲ့ပြီး ဖြစ်သည်)။ ၀ါကျဖွဲ့ စည်းထားပုံမှာလည်း ပြေပြစ် ရိုးရှင်းပါသည်။ အောက်ခြေလူတန်းစားဘ၀မှ ကြိုးစားသော လူငယ်တစ်ဦး၏ ဘ၀ဇာတ်ကြောင်းလည်းပါသည်။

ဤကဲ့သို့ ပြေပြစ် ရိုးရှင်းသော စာအရေးသားမျိုးကို ရေးတတ်ချင်သော ကျွန်တော်၊ ဤကဲ့သို့ အောင်မြင်သော လူငယ်၏ဘ၀ကို အားကျတတ်သော ကျွန်တော်၊ ဤကဲ့သို့သော သုတေသနမျိုးကို စိတ်ဝင်စားတတ်သော ကျွန်တော့်အဖို့ ဤစာအုပ်သည် စာအရေးအသားကောင်းသော စာအုပ်တစ်အုပ် ဖြစ်သည် ဆိုသည်ထက် ကျွန်တော့်ကို ပုံရိပ်ကောင်းတစ်ခု စွဲကျန်စေခဲ့သည်ဟု ဆိုချင်ပါသည်။